КР УИАнын кызматкери Рыскул Касымбеков “КР эмгек сиңирген ойлоп табуучу” Ардактуу наамына тандалды 
Бүгүн, 2025-жылдын 3-апрелинде Кыргызпатентте Ойлоп табуучулардын Кеңешинин Президиумунун XVIII жыйыны болуп өттү. Жыйынга Ойлоп табуучулар кеңешинин мүчөлөрү чакырылган. 
 
Күн тартибинде “Кыргыз Республикасынын эмгек сиңирген ойлоп табуучу” Ардактуу наамына талапкерлерди көрсөтүү жана “Ойлоп табуучулук жана патенттик ишке кошкон салымы үчүн” В.И. Блинников атындагы алтын медалына талапкерлерди көрсөтүү маселелери каралды. 
 
“Эмгек сиңирген ойлоп табуучу” Ардактуу наамына КР УИАнын Машина таануу, автоматика жана Геомеханика институту тарабынан сунушталган Касымбеков Рыскул Асангулович тандалды.