Бишкек, Өкмөт үйү
2009-жылдын 9-июлундагы N 371-р
Кыргыз Республикасынын Өкмөтүнүн токтому
«Салттуу билимдерди коргоо жөнүндө» Кыргыз Республикасынын Мыйзамына ылайык:
1. Ыйгарым укуктуу органга «салттуу билимдер» категориясына кирген билимдердин шайкештигин аныктоо, алардын практикалык колдонулушун жана төмөнкү мамлекеттик органдарга жана мекемелерге колдонуунун оң натыйжасын аныктоо тапшырылсын:
Кыргыз Республикасынын Өнөр жай, энергетика жана отун ресурстары министрлиги — өнөр жай жана отун-энергетика комплекси жаатындагы билимдерге карата;
Кыргыз Республикасынын Айыл, суу чарба жана кайра иштетүү өнөр жай министрлиги — агроөнөр жай комплекси, анын ичинде мал чарбасы, ветеринария, балык чарбасы, өсүмдүк өстүрүүчүлүк, өсүмдүктөрдүн карантини, мелиорация, кыртыштын асылдуулугу, жер кыртышын пайдалануу жаатындагы билимдерге карата айыл чарба жерлери, айыл чарба сырьесу жана тамак-аш, тамак-аш, спирт жана кайра иштетүү өнөр жайы;
Кыргыз Республикасынын Саламаттык сактоо министрлиги — диагностика жана дарылоо ыкмаларына, дары-дармек каражаттарына, медициналык техникага, дары-дармек өсүмдүктөрүнө карата;
Кыргыз Республикасынын Өзгөчө кырдаалдар министрлиги — калкты табигый жана техногендик мүнөздөгү өзгөчө кырдаалдардан коргоо, гидрометеорологиялык жана агрометеорологиялык болжолдоо чөйрөсүндөгү билимдерге карата;
Кыргыз Республикасынын Билим берүү жана илим министрлиги — тарбиялоо, билим берүү жаатындагы билимдерге жана иштин тиешелүү илимий чөйрөсүнө карата;
Транспорт жана коммуникациялар министрлиги — жол чарбачылыгы жана транспорт, байланыш жана маалыматташтыруу жаатындагы билимдерге карата;
Кыргыз Республикасынын Маданият жана маалымат министрлиги — маданият жана искусство, көркөм өнөр жана элдик кол өнөрчүлүк, кол өнөрчүлүк чөйрөсүндөгү билимдерге карата;
Кыргыз Республикасынын Өкмөтүнө караштуу Архитектура жана курулуш мамлекеттик агенттиги — архитектура, курулуш, курулуш материалдарын, буюмдарын жана конструкцияларын өндүрүү, турак жай курулушу жаатындагы билимдерге карата;
Кыргыз Республикасынын Өкмөтүнө караштуу Геология жана минералдык ресурстар боюнча мамлекеттик агенттикке — жер казынасын пайдалануу жана тоо-кен казып алуу өнөр жайы, геологиялык өнөр жай жаатындагы билимдерге карата;
Кыргыз Республикасынын Өкмөтүнө караштуу Курчап турган чөйрөнү коргоо жана токой чарбасы мамлекеттик агенттиги — айлана-чөйрөнү коргоо, биологиялык ар түрдүүлүктү сактоо, жаратылышты сарамжалдуу пайдалануу, экологиялык коопсуздукту камсыз кылуу жаатындагы билимдерге карата;
Кыргыз Республикасынын Өкмөтүнө караштуу Дене тарбия жана спорт, жаштар иштери жана балдарды коргоо боюнча мамлекеттик агенттиги — спорттун улуттук түрлөрү жаатындагы билимине карата;
Кыргыз Республикасынын Улуттук илимдер академиясы — табигый, техникалык жана коомдук илимдер тармагындагы билимдерге карата.
2. Ушул буйруктун 1-пунктунда саналып өткөн мамлекеттик органдар жана мекемелер:
— юридикалык жана жеке жактардын арыздарын кароо жана ушул буйруктун 1-пунктунда көрсөтүлгөн маселелер боюнча корутундуларды берүү үчүн комиссияларды түзүүгө;
— ушул буйруктун 1-пунктунда көрсөтүлгөн маселелер боюнча функционалдык милдеттердин чегинде алым албастан корутунду берүүгө.
3. Бул буйруктун аткарылышын контролдоо Кыргыз Республикасынын Өкмөтүнүн Аппаратынын билим берүү, маданият жана спорт бөлүмүнө жүктөлсүн.
Чудинов Кыргыз Республикасынын Премьер-министри И