2-декабрда Кыргыз Республикасынын Жогорку Кеңешинин Социалдык саясат боюнча комитети “Интеллектуалдык менчик чөйрөсүндө Кыргыз Республикасынын айрым мыйзам актыларына өзгөртүүлөрдү киргизүү жөнүндө”, “Мыйзамдарга өзгөртүүлөрдү киргизүү жөнүндө” мыйзам долбоорлорун талкуулоо боюнча парламенттик угуу өткөрдү. Кыргыз Республикасынын “Автордук укук жана чектеш укуктар жөнүндө” жана Кыргыз Республикасынын айрым мыйзам актыларын күчүн жоготту деп табуу, “Патенттик мыйзам”, “Инновациялык иш жөнүндө”.

Мыйзам долбоорлору боюнча маалыматты министрлер кабинетине караштуу Интеллектуалдык менчик жана инновациялар боюнча мамлекеттик агенттиктин директору Рахат Керимбаева тапшырды.

Парламенттик угуунун катышуучулары интеллектуалдык менчик жана автордук укуктарды коргоо жаатындагы мыйзам актыларына өзгөртүүлөрдү киргизүү тууралуу мыйзам долбоорлорун колдошту. Алар сунушталып жаткан мыйзам долбоорлору прогрессивдүү экенин белгилешип, бир катар сунуштарды да айтышты. Электрондук коргоо документтерин киргизүү, ойлоп табууга патент алуу механизмдери, интеллектуалдык менчик объектилерин жана автордук укуктарды монетизациялоо боюнча суроолор көтөрүлдү.

Парламенттик угуунун жыйынтыгында Кыргыз Республикасынын Жогорку Кеңешинин Социалдык саясат боюнча комитетинин төрагасы Винера Раимбачаева келип түшкөн мыйзам долбоорлору боюнча бардык сунуштар жана сын-пикирлер жалпыланып, комитетте карала турганын белгиледи.