![](http://patent.gov.kg/kg/wp-content/uploads/sites/2/2024/06/WhatsApp-Image-2024-06-11-at-19.09.37_2_11zon.jpeg)
![](http://patent.gov.kg/kg/wp-content/uploads/sites/2/2024/06/WhatsApp-Image-2024-06-11-at-19.09.08_1_11zon.jpeg)
2024-жылдын 10-июнунда Кыргызпатенттин Борбордук аппараты Кыргызпатенттин алдындагы Түштүк региондор аралык департаменти менен биргеликте Баткен облусунун Баткен шаарында эки окуу семинарын ийгиликтүү өткөрдү.
Бул иш-чаралар Кыргыз Республикасынын Президентинин 2023-жылдын 20-февралындагы № 29 «Бир айыл – бир продукт” улуттук экономикалык долбоору жөнүндө» Жарлыгына ылайык географиялык көрсөткүч катары каттала турган аймактык бренддерди түзүүнү алга жылдыруу жана колдоо максатында уюштурулду.
Бул аспект 2022-2026-жылдарга Кыргыз Республикасында интеллектуалдык менчикти жана инновацияларды өнүктүрүүнүн мамлекеттик программасында белгиленген.
Программада каралган милдеттерди натыйжалуу ишке ашыруу үчүн 2024-жылдын 23-апрелинде өлкөнүн бардык облустарында Кыргыз Республикасынын Президентинин ыйгарым укуктуу өкүлдөрү менен макулдашууларга кол коюлган. Бул макулдашуулар аймактарда интеллектуалдык менчикти өнүктүрүүнүн стратегиялык багытын түзүүгө багытталган.
Иш-чарага айыл өкмөттөрдүн жана райондук администрациялардын өкүлдөрү, ошондой эле Баткен мамлекеттик университети, Кызылкыя гуманитардык-педагогикалык институту, Сүлүктү гуманитардык экономикалык институту жана башка окуу жайлардын жетекчилери жана окутуучулары катышты.
“Бир айыл – бир продукт” стратегиясынын алкагында аймактык бренддерди калыптандырууга жана географиялык көрсөткүчтөрдү өнүктүрүүгө көмөктөшүүчү ушул сыяктуу иш-чаралар ушул жуманын аягына чейин Ош жана Жалал-Абад облустарында да пландаштырылган.