Бүгүн, 23-ноябрда Кыргызпатенттин директору Рахат Керимбаева ПРООНдун тездетүү лабораториясынын координатору Женни Жеңиш кызы менен жолугушуу өткөрдү.

Жолугушууда ыктыярдуу негизде илимий лидерлер институтун өнүктүрүү, STEM кесиптеринде (табият таануу, технология, инженерия) аялдарды колдоо жана башка көптөгөн багыттар боюнча кызматташуу талкууланды.

Кыргызпатенттин жетекчиси Рахат Керимбаева бөлүм тарабынан ишке ашырылып жаткан пилоттук долбоорлорго кеңири токтолду: таланттуу жаштарды, ойлоп табуучуларды жана рационализаторлорду табууга багытталган ар кандай пилоттук долбоорлорду өткөрүү жөнүндө; коомдук башталышта илимий жетекчилер институтун өнүктүрүү.

Р.Керимбаеванын айтымында, ошондой эле аймактардагы аялдарга колдоо көрсөтүп, өлкөнүн коомдук турмушуна, ишкердикке катышууга кеңири мүмкүнчүлүк түзүп, эмгек рыногунда атаандаштыкка жөндөмдүүлүгүн жогорулатуу зарыл.

Женни Жеңиш кызы белгилегендей, гендердик теңчиликти илгерилетүү жана аялдардын укуктарын кеңейтүү ПРООНдун Кыргызстандагы приоритети, ошондой эле Туруктуу өнүгүү максаттарына жетишүүнүн негизги шарты болуп саналат.

Эл аралык уюмдун өкүлү ошондой эле STEM кесиптери боюнча аялдарды колдоого багытталган кыска мөөнөттүү программаларды колдоого абдан кубанычта экенин белгиледи.

Жолугушуунун жыйынтыгында тараптар өз ара пайдалуу кызматташуу боюнча макулдашышты.